Nabigbig ti siyudad ti Baguio kas addaan iti kangatoan a bilang dagiti obese wenno nalulukmeg nga indibidual idi napalabas a tawen kas maibasar iti datos ti Department of Health-Cordillera.
Sigun kenni Joyce Rillorta manipud iti Department of Health-Cordillera, dumanon iti 50.9 % dagiti indibidual nga obese nga agtawen iti 20-59 wenno dumanon iti 70, 613 nga indibidual bayat a 41.36% wenno 20,551 a katao ket dagiti senior citizens.
Sarunuen daytoy ti probinsya ti Benguet, Kalinga, Ifugao, Mountain Province, Abra, ken Apayao.
Kabayatanna, maibasar iti datos ti nasao nga ahensya idi tawen 2018, 2019, ken 2021 ket ti rehiyon Cordillera ti maikatlo iti pagilian a Pilipinas nga addaan iti kangatuan a bilang ti overweight nga ubbing a 0-59 months.
Ti umuna iti daytoy ket ti National Capital Region ken ti maikadua ket ti Calabarzon.
Imbinglay ni Rillorta a nagduduma dagiti rason nu apay nga obese ti maysa nga indibidual.
Daytoy ket pakairamanan ti physical inactivity, poor child nutrition, unhealthy diet, stress, ken poor sleeping habits.//Bombo Genzel Depayso
