--Ads--
Naireklamo ti maysa a lalaki sadiay La Trinidad, Benguet gapu iti maatap a panangdangran daytoy iti maysa a babai.
Sigun kadagiti otoridad, magmagna ti biktima a babai, 22-anyos idiay Ambiong, La Trinidad idi madlawna nga adda ti maysa nga indibidual a mangsursurot kenkuana.
Gapu iti dayta, pinaspasanna a nagna paawid ken idi asidegen daytoy iti pagtaenganda, kellaat nga adda ti nangcover iti ngiwatna ken ginuyod ti suspek ti buok ti biktima iti nasipnget a paset ti barangayda.
Dagus met a nakaikkis ti biktima rason a rinumuar dagiti kaaruba daytoy a nangtulong kenkuana.
Iti agdama, naiturong ti nasao a kaso sadiay Brgy. Ambiong, La Trinidad.
