Nakasaganan ti Philippine Army (PA) para iti 2025 Midterm Election.
Manamnama a mangideployda iti 16,489 a personnel tapno mapaadu ti security forces ken masigurado a natalna ken naurnos ti pannakaisayangkat ti midterm elections inton sumaruno a lawas.
Asistaran ti Philippine Army dagiti Philippine National Police (PNP) ken Commission on Elections (Comelec) tapno masigurado ti kinatalged dagiti botante.
Sigun kenni General Roy Galido, Army commanding general dumanon iti 6,712 nga Army officers, enlisted personnel, miembro iti Citizen Armed Force Geographical Unity wenno CAFGU Active Auxiliary (CAA) ken reservists ti maideploy tapno agasistar iti election checkpoints.
Kabayatanna, dumanon iti 8,777 nga Army personnel ti maiwaras tapno maprotektaran dagiti polling precincts.
