Maragsakan nga imbinglay ni Senior Fire Officer 1 Lloyd Ashley Furigay a bimmaba ti kaso ti uram iti siudad.
Iti panakiuman ti Bombo Radyo kenni Furigay, kinunana a manipud Enero agingga Abril iti agdama a tawen ket dumanon iti 31 a kaso ti uram.
Daytoy ket nabbababa manipud 45 a kaso ti uram a nailista idi kapada a reporting period idi napalabas a tawen.
Sigun kenni Furigay, dagiti factor no apay a bimmaba iti bilang ti insidente ti uram ket gapu iti agtultuloy a panagregget dagitoy kas iti panangipatungpal iti trainings, panang-educateda iti publiko seknan iti panangliklik iti uram ken daduma pay.
Malaksid iti dayta ket gapu iti paniemp no sadino iti agdama ket medyo masansan ti panagtudtudona tunggal malem.
Iti sabali a bangir, maal-allukoy ti publiko a kontaken ti 911 no adda dagiti insidente ti uram.
