Nakemmeg ti maysa a babai, 45-anyos, a mabigbigbig a high value individual babaen iti buy bust operation a naisayangkat sadiay Shamolog Pico, La Trinidad, Benguet itay laeng.
Ti suspek ket balo, “laborer” ken agnanaed idiay Pico, La Trinidad, Benguet.
Nakumpiskar manipud kenkuana ti 5 a tubular packages ti maatap a dried marijuana leaves and stalks nga inlakona iti poseur buyer.
Daytoy ket addaan iti agarup lima ribo a gramo nga adaan iti SDP a 600,000 ngem ti market value ti iligal a droga ket P100,00.00
Malaksid iti nasao a banag, nakumpiskar pay manipud iti suspek ti 3 nga eco bags nga awan ti linaonna, maysa a pidaso ti genuine 1,000 bill, 99 pidaso ti 1,000 boodle money, 1 a nangisit a keypad cellphone ken maysa a bundle ti susi.
Balligi a nakemmeg daytoy babaen kadagiti operatiba ti Regional Police Drug Enforcement Unit Police Regional Office Cordillera (RPDEU PRO CAR)- (Lead Unit), Regional Intelligence Division (RID PRO CAR), La Trinidad MPS, Provincial Drug Enforcement Unit (PDEU) , Provincial Intelligence Unit (PIU) ken Regional Intelligence Unit 14 ( RIU-14 ).
