Saan a nairaman ti nagan ni Atty. Errol Comafay Jr. iti Official Proclamation ti Tabuk City Board of Canvassers (BOC) iti Elected Members of Sangguniang Panlungsod.
Daytoy ket iti baet a nagun-odna ti kangatuan a bilang a botos.
Sigun iti Tabuk City BOC, daytoy ket gapu iti COMELEC Resolution a mangpatpatibker iti desision ti Second Division a kinanselar ti Certificate of Candidacy wenno COC ni Comafay.
Iti interview ti Bombo Radyo Cauayan kenni Atty. Gustavo Dalen, Election Officer ti Comelec Tabuk City, kinunana a nangipila ti petision ti maysa a kandidato kontra kenni Atty. Comafay seknan iti isyu ti residency a pinaburan met ti COMELEC En Banc isut rason a nakanselar ti certificate of candidacy ngem saanen pay a nauikkat ti naganna iti balota.
Numan pay adda iti balota latta ti nagan ni Comafay ket naibilang latta nga stray ti botosna.
Maibasar iti Comelec en banc, misrepresentation ti nagbalin a desision gapu iti naikabil nga address iti Certificate of Candidacy a saan nga existing iti Tabuk City Kalinga.
Sigun kenni Atty. Dalen, ti mabalin nga aramiden ni Atty. Comafay ket ti panangipila ti certiorary for review iti Korte Suprema iti uneg ti innem a pulo nga aldaw kalpasan ti desision ti Comelec en banc.
Kinunana a daytoy ket pinal ken executory isut gapuna nga iyemplementarda ti desision ti board ken ikonkonsiderada ti sumagan a kandidato kas kasukat ni Atty. Comafay.//Via Bombo Jayson Felina
