Panggep ni sigud a senator Leila de Lima nga umapela iti Korte Suprema kasaruno ti inruar a pangngeddeng iti Court of Appeals a panang-overturn iti acquittal daytoy iti maysa kadagiti kasona nga adda iti pakainaiganna iti iligal a droga.
Immuna metten nga inladawan iti Court of Appeals a ti panang-acquit iti Muntinlupa Regional Trial Court kenni de Lima ket maysa a grave abuse of discretion nu sadino, sigun iti daytoy, ti nairuar a ruling iti nadakamat a Regional Trial Court ket saan a nailawlawag ti facts ken dagiti specific a paglintegan a nakaibasaran iti acquittal ti sigud a senador.
Sigun pay iti Court of Appeals, agparparang a ti acquittal ruling ket naibasar laeng iti recantation ti witness nga agnagan iti Rafael Ragos, ken awanen iti sabali a nakaibasaran daytoy.
Iti baet dayta, inlawlawag met ti abogado ti sigud a senadora a saan a kasapulan a maibalud ulit ni de Lima gapu ta ti nasao a pangngeddeng ket saan a final ken executory.
Impeksa met ni de Lima a ti panang-overturn iti Court of Appeals iti acquittal daytoy ket saan a manglapped kenkauana nga agsubli iti serbisyo publiko.
