Pinatganen ti Department of Education (DepEd) dagiti nagannak ken guardians a maminsan laeng a gundaway a mangisubmitir ti birth certificate dagiti ubbing nga agadal para iti intero a panagadalda ti K-12 education tapno mapalaka ti proseso ti enrollment.
Sigun kenni Education Secretary Sonny Angara, nangngegna ti parikut dagiti nagannak ken guardians ken saanna a kayat nga awan ti ubing a saan a makaadal iti umuna nga aldaw gapu laeng iti dokumento.
Iti sidong ti narebisar a pagannurutan, dagiti nagannak ken guardians ket rumbeng a mangisubmitir ti original wenno certified true copy ti birth certificate ti learner manipod Philippine Statistics Authority (PSA).
Kaspangarigan awan ti nasao a banag, mabalin a mangisubmitir kadagiti secondary documents a kas ti National ID, persons with disability (PWD) ID, ken ti Philhealth ID wenno dadduma pay a mangpaneknek ti pakabigbigan ti maysa nga agadal nga ubing.
