Nagpositibo iti E. coli ken salmonella dagiti smuggled a sibuyas a kinumpiskar dagiti kameng iti Bureau of Customs, Department of Health, ken ti Department of Agriculture.
Sigun iti Department of Health, makaipaay iti pangta iti salun-at dagiti smuggled a taraon gapu iti posible a panakakontamina dagitoy kadagiti mikrobyo.
Dagiti smuggled a taraon ket mabalin a gapuanan iti dehydration,diarrhea, ken posible pay a makaitunda iti ipupusay iti maysa nga indibidwal.
Innayon ni Health Secretary Ted Herbos a makaituntunda ti E. Coli iti gastrointestinal illnesses rason a dagiti smuggled food items ket maysa a pakaseknan para iti food safety.
Maipalagip nga iti naipatungpal nga inspeksyon iti innem a 40-foot container, naduktalan ti agbalor iti agarop P14 milliona balor iti sibuyas ken agarop P20 million a balor iti frozen mackerel.
