Inlawlawag ni Department of the Interior and Local Government Secretary Jonvic Remulla a fit itan ni sigud a Negros Oriental Representative Arolfo Teves Jr. para iti incarceration wenno panakaibalud kasaruno ti panakadischarge daytoy iti Philippine General Hospital.
Impetteng ni Remulla a saan a maipaayan iti preferential treatment wenno hospital arrest ni Teves bayat ti panakaibaludna ken manamnama a matrato daytoy iti wagas a kapada iti daduma pay a persons deprived of liberty.
Kabayatanna, impanamnama ni Remulla nga ipasigurado iti Bureau of Jail Management and Penology iti kinatalged dagiti balud.
Maipalagip a kinasapulan ti sigud a kongresista a maiturong iti paggagasan gapu iti ag-agalenna a severe stomach pains.
Ni Teves ti maitudtudo a mastermind iti panakapapatay daydi Negros Oriental Governor Roel Degamo ken 9 a daduma pay nga indibidwal idi tawen 2023.
