--Ads--

Nawaya a mapagnaan dagiti motorista dagiti dalan nangruna ti Halsema Highway nga agturong idiay Atok, Benguet.


Iti pannakiuman ti Bombo Radyo kenni Atok Mayor Franklin Smith, kinunana a “passable” amin dagiti dalan numan pay adda dagiti bassit a panagreggay ti daga a mapaspasamak.


Sigun kenkuana, sigsigudenda a daldalusan dagiti dalan babaen ti tulong dagiti equipments ti DPWH, ken kinunana a nakastand-by latta ti equipment ti nasao nga ahensia a mabalin a maaramat iti kanito nga adda dagiti margaay a disso.


Maibasar iti rekord a naawat ti opisina ni Mayor Smith, awan ti nailista a balay wenno indibidual a naapektaran ti panaglayos wenno panagreggaay ti daga ita a panawen ti panagtutudo.


Para met iti danyos dagiti naapektaran a mula a sabong wenno nateng, kinunana a saan a maliklikan ti pannakadadael dagitoy ita a panagtutudo.


Nupay kasta, agtultuloy met latta ti panagmonitor ti agriculture extension worker tapno makita ti status dagiti mula dagiti mannalon.