Insumitiren ti Department of Budget and Management (DBM) ti singasing a P6.793-trillion National Expenditure Program (NEP) iti kongreso.
Gapu iti dayta, nakasaganan ti legislative body a mangirugi iti deliberasyon iti nasao a banag.
Ti nasao a singasing ket para iti sumaruno a fiscal year, no sadino daytoy ti agserbi kas basaran para iti General Appropriations Bill (GAB).
Nangatngato met daytoy iti 7.4% manipud iti budget idi napalabas a tawen.
Kagiddan dayta, indagadag ni President Ferdinand ”Bongbong” Marcos Jr. kadagiti miembro ti kongreso a mangdeliberate iti singasing a 2026 national budget nga aksyonanda a dagus daytoy.
Sigun iti Presidente nasken nga agtitinulong ti tumunggal maysa tapno magun-od ti Bagong Pilipinas.
Kinunana a numan pay agrekrekober paylaeng ti Pilipinas iti pandemic, bigbigen latta dagitoy ti panangpatibker ken pananggun-od iti puntiria dagitoy.
Gapu iti dayta, kiddawna a nasken nga ipasigurado ti nasayaat a masakbayan para iti tumunggal maysa ken iti sumaruno a henerasyon.
