Nainget a pinaglibakan ken kinondenar ti Armed Forces of the Philippines (AFP) dagiti malisyoso nga akusasion nga agwarwaras iti online seknan iti ₱15 bilyon a military ghost projects” manipod 2023 agingga 2025.
Sigun kenni AFP Public Affairs Office (PAO) Chief Col. Xerxes Trinidad, dagiti nadakamat nga alegasyon ket kinaulbod, ireponsable, ken panggepna a dadaelen ti institusyon ken ti panangidaulo daytoy.
Inlawlawag ni Trinidad nga awan ti naisayangkat wenno napondoan nga aniaman nga infrastructure project.
Sigun iti AFP Official, amin a military facilities iti sidong ti programa a Tatag ng Imprastraktura para sa Kapayapaan at Seguridad (TIKAS) ket pinondoan ken insayangkat ti Department of Public Works and Highways (DPWH).
Numan pay ti AFP ti nangirekomendar kadagiti proyekto maibasar iti operational nees a kas ti barracks, training facilities, ken headquarters buildings, direkta a maipapaay ti pondo iti DPWH.
Ti AFP ket umaw-awat laeng ti nalpasen a projects ken saan a karamana iti proseso ti procurement, engineering, wenno auditing.
Innayon pay ti AFP a ti maibagbaga a “completion” kadagiti makaallilaw a report ket maipapan laeng iti nalpas a paset ti panagibangon para iti partikular a tawen, ken saanna a kayat a sawen a nalpasen ti intero a proyekto.
Ti panangawag iti nalpas a paset a “ghost project” ket nalawag a saan nga umno a panangipatarus iti proseso ti gobierno iti panagbadyet iti imprastruktura.
Kidkiddwen ti AFP iti publiko, nangruna iti media, nga agbalin a responsable iti panangiwaras iti impormasyon iti online. Ti panangiwaras ti awan basaranna nga impormasion ket makadadal saan laeng iti reputasyon, nu diket kasta metten ti talek iti publiko kadagiti institusyon nga agserserbi para iti linak ken kappia.
Agtaltalinaed a natibker ti AFP a mangitandudo iti transparency, integridad, panangsungbat iti amin nga aktibidad.
