--Ads--
Kalpasan ti dua a lawas, nanayunan pay ti tallo a bilang dagiti pimmusay a nagdayyeg a magnitude 6.9 a ginggined idiay Bogo City, Cebu idi Setiembre 30.
Gapu iti daytoy, ngimmato ti 79 ti pimmusay manipod iti ginggined, sigun iti National Disaster Risk Reduction and Management Council (NDRRMC).
Dumanon metlaeng iti 559 nga indibidual ti nailista a nadangran bayat nga awan ti nairekord a mapukpukaw.
Iti agdama, dumanon iti 5,000 nga indibidual ti agtaltalinaed kadagiti evacuation centers bayat a dadduma met ti agtaltalinaed paylaeng iti dadduma a lugar.
Agtaltalinaed paylaeng a naipasidong iti state of calamity ti probinsya ti Cebu gapu iti nalawa a nadadael nge epekto ti ginggined.
