Impakaammo ni Department of Migrant Workers (DMW) Secretary Hans Leo Cacdac a natalged a nabirukan dagiti dua nga Overseas Filipino workers nga immunan a naipadamag a mapukpukaw sadiay Hong Kong.
Sigun kenni Cacdac dagiti dua ket nasarakan dagitoy ken naiturongda iti Migrant Workers Office- Overseas Workers Welfare Administration (OWWA).
Innayonna pay a marepatriate dagitoy iti kabiitan a panawen.
Immunan a nabigbig dagiti dua nga overseas Filipino Workers a da Imee Pabuaya ken Aleli Tibay.
Maur-uray metten ti kanayunan a detalye tapno maamuan ti rason iti panakapukaw dagitoy.
Innayonna pay a naipaayan dagitoy iti psychosocial counseling ken financial assistance.
Adda metlaeng dagitoy iti kustodiya ti Overseas Workers Welfare Administration (OWWA) sadiay Hong Kong.
