Pinaglibakan ti abogado a ni Nicholas Kaufman, abogado ni sigud a President Rodrigo Duterte, dagiti online claims a nasarakan nga awan puotna ni Duterte iti uneg ti kuartona iti International Criminal Court (ICC) detention facility sadiay The Hague.
Sigun kenni Kaufman, saan nga agpayso dagiti impormasion a naawanan ti puot ni Duterte iti detention facility daytoy.
Impetteng ti nasao nga abogado a nakasaritanan ti sigud a Presidente ken nasayaat ti kasasaadna bayat nga ur-urayenna ti pangngeddeng ti ICC Appeals Chamber maipapan iti interim release daytoy.
Maipalagip a nakabalud paylaeng ti Duterte iti Scheveningen Prison sadiay The Hague gapu iti kaso daytoy a maatap a crimes against humanity.
Mainaig daytoy iti deadly war on drugs nga impatungpalda kabayatan ti kina-Mayorna sadiay Davao City ken bayat a Presidente daytoy ti pagilian a Pilipinas.
