--Ads--
La Trinidad-Agtultuloy ti patrabaho iti pannakaipasdek ti Benguet Convention Center idiay Benguet Sports Complex, La Trinidad.
Ti nasao a proyekto ket maikkan iti world class amenities, nu sadino mabalin nga ag-host ti Benguet kadagiti local, national and ken international events.
Ti state-of-the-art a pasilidad ket addaan iti tallo a kadsaaran iti kalawa a 3,000 square meters.
Ti ground floor ket kabaelan na a mangakomodar iti 1000 nga indibidual para iti dadakkel a pasken wenno conventions nu sadino, maikkan pay daytoy iti opisina, receiving area, ken fully equipped kitchen.
Ti proyekto ket pinundoan ti opisina ni Benguet Cong. Eric Go Yap a dumanon iti ₱150 million idi 2024 ken kapada a gatad iti 2025 ken 2026.//Bombo Jordan Tablac
