Nangipila ti legal counsels ti kontraktor a ni Sarah Discaya ken dagiti walo a kadwana a naakusaran iti urgent motion a mangkidkiddaw nga agtalinaed dagitoy iti kustodiya ti National Bureau of Investigation (NBI).
Daytoy ket kasaruno ti pannakaarestarda, gapu iti pakainaiganda iti ghost flood control projects sadiay Davao Occidental.
Maipalagip a naarestar ni Discaya ken dagiti walo nga indibidual iti kaso dagitoy a graft and malversation of public funds no sadino, nakabalod dagitoy iti Lapu-Lapu City Jail sadiay Cebu City.
Sigun kenni NBI spokesperson Atty. Palmer Mallari, nagkiddaw dagiti maseknan a maiyakarda iti kustodiya ti NBI imbes nga iti City jail.
Gapu iti dayta, nabilin ti Ombudsman sadiay Visayas ken ti NBI a mangipaay dagitoy iti komento iti las-ud ti 10 nga aldaw.
