Dumanon iti dandani sangaribo ti naawat nga awag iti Department of Health (DOH) iti mental health hotline daytoy kabayatan ti holiday season.
Sigun iti nasao nga ahensya, dagiti awag ket naawatda manipod December 21, 2025 agingga January 2, 2026.
Kadagiti nasao a petsa, December 30 ti nakailistaanda iti kaadwan nga awag nu sadino, rumrumwar a kangrunaan a pakaseknan ti maipapan iti love-life, relasyon, anxiety ken dagiti makapaspasar iti sintomas ti depresyon.
Sigun kennni DOH Assistant Secretary Albert Domingo, tunggal awag a maawat iti National Center for Mental Health Crisis Hotline ket ibilbilangda a panangisalba iti biag dagiti agkasapulan.
Impetteng ti opisyal a nakasagana latta dagitoy a mangipaay iti tulong kadagiti siasinoman nga umawag ken agpatulong.
