BAGUIO CITY- Naragsak ken saan a ninamnama ni Atty. Kathleene Camille Bilog a maysa kadagiti pimmasa iti 2025 Bar Examination.
Iti interview ti Bombo Radyo kenni Atty. Bilog, kinunana a nagserbi nga inspirasionna ti amana a ni Atty. Edison Bilog, maysa metlaeng a konsehal iti siudad ti Baguio.
Sigun kenni Atty. Bilog, nagduduma man dagiti karit a napasaranna ngem impapatina gapu metlaeng iti “pressure” a nariknana kas anak ti abogado ken public figure.
Kabayatanna, arapaap ni Atty. Bilog nga agtrabaho iti Public Attorney’s Office (PAO) tapno agserbi iti publiko.
Balakad ni Atty. Bilog kadagiti saan a napagasatan a nakapasa,”We all have our own season, we have our own time. Just don’t give up. Sabi nga po nila sa Law school, Laban lang ng laban.”
