Indeklara ti House Committee on Justice a “sufficient in forms” ti naipila a dua nga impeachment complaints kontra kenni President Ferdinand “Bongbong” Marcos, Jr. idi kalman, Enero 2.
Nakaawat ti 46 affirmative votes, one negative, ken one abstention ti umuna nga impeachment complaint nga inpila ni Atty. Andre de Jesus iti grounds a maatap a graft and corruption, culpable violation of the Constitution, ken betrayal of public trust.
Naideklara met laeng a “sufficient in forms” ti maikadua a reklamo nga inpila ti Makabayan bloc no sadino ket nakaawat met daytoy iti 35 affirmative votes, 9 negative votes ken one abstention iti grounds nga maatap a betrayal of public trust ken maatap a redirecting funds to allies.
Pagtatalantanan met ti House Committee on Justice ita nga aldaw nu naan-annay ti dua a bilang nga impeachment complaints sakbay nga agtuloy iti sumaruno nga addang.
Kabayatanna, impetteng met ni Batangas Second District Rep. Gerville Luistro, dadaulo ti House Committe on Justice a saan a maiyaplikar ti immunan a desisyon ti Korte Suprema iti impeachment case ti Vice Presidente, iti agdama a kaso ti impeachment ni President Ferdinand “Bongbong” Marcos, Jr.
Mainaig iti daya , kinuna ti Malacang a respetuenda ti nagbalin a desisyon ti House Committee on Justice seknan iti impeachment complaints kontra kenni President Ferdinand “Bongbong” Marcos, Jr. gapu ta daytoy ket paset iti due process.
Inlawlawag met ni Palace Press Undersecretary Claire Castro a patien latta ni President Ferdinand “Bongbong” Marcos, Jr. nga awan ti inaramidna nga anyaman nga impeachable offense isu’t gapu a kumpiyansa latta daytoy iti bagi na.
Nagkomento met laeng ni Undersecretary Claire Castro iti immunan a dinakamat ni Sen. JV Ejercito a ti impeachments complaints a sangsanguen ti presidente ken bise presidente ket posible a mangipakita iti political instability ti pagilian a Pilipinas iti international community.
Sigun kenni Undersecretary Claire Castro, agdandanag met laeng ti presidente gapu iti naipila kontra kenkuana nga impeachment complaints saan a para iti bagi na nu diket ti posible nga epekto daytoy iti ekonomiya ti pagilian a Pilipinas. // via Bombo Karen Calpoe Sapirao
