--Ads--
Nangiyuswat ti Department of Energy (DOE) ken Department of Information and Communications Technology (DICT) iti electronic complaint platform.
Maaramat daytoy para iti pannakaireport dagiti gasoline stations a maatap nga aglablabsing iti fuel pricing rules kabayatan ti tensyon sadiay Middle East.
Sigun iti Department of Energy, mabalin a mangisubmitir dagiti maseknan babaen iti eReport tab iti eGov application.
Kabayatanna, idagdagadag ti nasao nga ahensia iti publiko nga ireport dagiti mapagduduaan nga aktibidadis kadagiti gasolinaan.
Pakairamanan ti Panic buying , Fuel hoarding, saan a panagtumpal iti fuel pricing, saan nga otorisado a panangingato iti presio ti petrolyo ken Fuel shortages.
