Imimbestigaranen ti Department of Energy (DOE) dagiti reklamo a naawat dagitoy kontra kadagiti gasolinaan gapu iti napalabas a serye ti bigtime oil price hike.
Sigun kenni Department of Energy (DOE) Secretary Sharon Garin, addu dagiti nakitada a reklamo apaman a kinitada ti ‘Gas Station Concerns’ feature ti eGovPh application iti tulong ti Department of Information and Communications Technology (DICT).
Innayon daytoy nga sakbay met laeng a naipatumpal ti price hike, nakaawaten dagitoy iti agarup 100 a reklamo no sadino karaman dagitoy iti imimbestigaranda.
Inlawlawag daytoy a makikokoordinaren ti nasao nga ahensiya iti Department of Trade and Industry ken law enforcement agencies tapno tumulong iti beripikasyon dagiti reklamo.
Impakaammo pay daytoy a sumagmamano meten nga gasolinaan ti simmungbat kadagiti show-cause order nga immunan nga inpatulod ti nasao nga ahensiya. //Bombo Karen Sapirao
