Kangrunaan nga idawdawat dagiti Muslim ita a nagleppas ti Ramadan ti panagsubli ti kappia iti sangalubungan.
Iti panakiuman ti Bombo Radyo kenni Shams Maba Monib, nalpas ti insayangkatda a panagkararag alas siete itay agsapa (7AM) nu sadino, agay-ayam iti 13,000 agingga 15,000 dagiti Muslim nga immatendar.
Kalpasan ti panagkararag, nagduduma ti pakakumikuman dagiti Muslim tapno riknaen ti ragsak kalpasan ti makabulan a panagayunar dagitoy kas iti panagturong kadagiti pagpasyaran.
Mainaig iti dayta, imbinglay ni Monib a normal a nagleppas ti Ramadan idiay Saudi Arabia iti baet ti mapaspasamak a tension idiay Middle East iti agdama.
Sigun kenkuana,awan ti narikna a panagdanag dagiti kakabsatda iti nasao a lugar malaksid laeng kadagiti adda kadagiti daduma pay a pagilian iti nasao a rehion.
Kabayatanna, kiniddaw ni Monib kadagiti kapada daytoy a Muslim nga aramidenda dagiti banbanag nga isursuro ti selebrasyon ken ti nasao a relihion kasta metten ti panangisuro dagitoy kadagiti sumaruno pay nga henerasyon.//Bombo Rob Dominguez
