Isayangkat ti lokal a gobyerno ti Kalayaan, Palawan ti ‘patriotic tours’ idiay Pag-asa Island inton Abril.
Panggep daytoy a paregtaen ti nasyonalismo ken panangsuporta iti soberanya ti pagilian idiay West Philippine Sea.
Tampok iti nasao nga aktibidad ti community immersion, panagbisita kadagiti suldado sadiay ken dadduma pay nga aktibidad.
Iti agdama, maipaay ti nasao a tour kadagiti residente ti Palawan ken pangpanggependa nga idiaya daytoy kadagiti dadduma pay.
Mangipaay metlaeng ti lokal a gobyerno ti libre a transportasyon babaen iti wooden hull boat para kadagiti Palaweño bayat a para kadagiti turista, makan laeng ken akomodasyon laeng ti bayadanda.
Tapno makapaset dagiti turista, kasapulan laeng nga ag inquire da iti Kalayaan Municipal Tourism Office. //bombokcs
