Ad-adalenen iti Land Transportation Franchising and Regulatory Board ti panangipatungpal iti service contracting tapno matulungan dagiti drayber ken commuters iti tengnga iti panagngato iti presio iti krudo.
Sigun kenni LTFRB Chair Vigor Mendoza II, dakkelen ti epekto iti oil price hike iti transport sector, karaman ti panagkessay iti biahe kadagiti parapubliko a lugan ken transport strike.
Dua a modelo ti kitkitaen iti ahensia; umuna ti libre a panaglugan nu sadinno ti gobierno ti mangsungbat ti gastos ken sueldo dagiti drayber; ken maikadua, ti “net service contracting” nu sadinno adda ti dikswento iti plete ken kanayunan a subsidia manipod iti gobierno.
Maipatpatungpal metlaeng daytoy iti sumagmamano a lugar a kas idiay Quezon City ken Pasig City, bayat a maur-uray ti kanayunan a pondo para iti pananimplementar.
Panggep iti programa a mapalag-an ti gastos kadagiti commuter ken maipasigurado ti pammastrekan dagiti drayber iti tengnga iti agtultuloy a panagngato iti presio iti lana.
