--Ads--
Dumanon iti nasurok 10,000 a motorcycle taxi ken transport network vehicle service (TNVS) drivers ti saan a nakaawat iti P5,000 cash assistance ti gobierno.
Sigun iti Department of Social Welfare and Development (DSWD), dadduma kadagiti ride-hailing companies ti saan a nakasubmitir iti listaan dagiti drivers.
Impetteng ni DSWD Secretary Rex Gatchalian a nagtaud ti isyu iti panagkedked ti sumagmamano a transport network companies (TNCs) a mangipaay iti kompleto a datos.
Nupay kasta, impasiguradona kadagiti naapektaran a driver a mairamanda iti sumaruno a round ti distribution kalpasan ti Holy Week a tentatibo a naituding inton Mierkoles, Abril 8.
