Intantan ti Senate Blue Ribbon Committee ti naituding a panagdengngeg seknan iti naanomalyaan a flood control projects.
Sigun kenni panel chair ken Senate President Pro Tempore Senator Panfilo Lacson, urayen pay nga umuna ti panel ti pannakaisubmitir ti sworn affidavit manipud kenni sigud a governor Luis “Chavit” Singson.
Karaman ditoy ti kanayunan a pirma para iti partial committee report.
Innayon ni Lacson a mabalin nga ikonsidera ti komite ti panangirugi manen iti hearing no mangisubmitir ni Singson iti uray sangkabassit laeng a draft ti affidavit-na ken no pirmaan ti lima pay a miembro ti report.
Impetteng ni Lacson nga impaayan ti committee ni Singson agingga iti April 7 tapno mangisubmitir iti draft affidavit ngem paylaeng awan ti naawatda a sungbat.
