Inyanunsyo ni President Ferdinand “Bongbong” Marcos Jr. ti panangipatumpal ti P10 a kissay tunggal litro kadagiti presyo ti krudo para kadagiti public utility vehicle (PUV) iti maximum nga 150 litro tunggal lawas iti las-od iti tallo a bulan.
Iti impablaak ti presidente, inwaragawagna a marugianaen dagiti nasao a programa iti National Capital Region inton sumaruno a lawas ken mapalawa pay daytoy kadagiti sumarsaruno nga alaldaw agingga maipatumpal daytoy iti entero a pagilian.
Panggep ti nasao nga addang a mapababa saan laeng a dagiti gastos iti transportasyon ngem tapno maliklikan ti panagngato ti presyo dagiti makan ken dadduma pay a kaunaan a gagatangen.
Inlawlawag ti presidente a maipatumpal metlaeng ti fuel subsidy kadagiti lehitimo a gasolinaan nga aprubado ken imonmonitor ti Department of Energy tapno masigurado a saan daytoy a maabuso. //bombokaren.c.s
