Simmango dagiti pamilya Villar ken dadduma a respondents iti Department of Justice (DOJ) ita nga aldaw, April 20.
Mainaig paylaeng daytoy iti reklamo nga impila ti Securities and Exchange Commission (SEC) kontra kadakuada.
Naitunding ita nga aldaw, ti preliminary investigation nga isayangkat ti panel of prosecutors iti reklamo a sangsangwen dagiti Villar.
Daytoy ket kalpasan nga pinatgan ti prosekusion ti kiddaw dagiti respondents para iti kanayonan a panawen a mangipila iti ‘counter-statement’.
Maipalagip a nangipila ti SEC iti reklamo a market manipulation, insider trading ken misleading disclosures kontra iti pamilya Villar.
Karaman kadagiti inreklamo ti komisyon ti kompanya a Villar Land Holdings Corporation, sigud a senador Manuel Villar Jr, Cynthia Villar, Cynthia Javarez, Sen. Camille Villar, Sen. Mark Villar ken dadduma pay.
