--Ads--
Kinumpirmar ni Naga City Mayor Leni Robredo nga awan ti panggepna a tumaray iti aniaman a national position iti tawen 2028, ken kinunana a panggepna a tumaray kas mayor iti maikadua a gundaway.
Sigun kenni Robredo, adu pay ti kasapulan nga ileppasna ken ipatungpal idiay Naga City, isut gapuna a pinilina nga agpokus iti lokal a panangidaulo.
Impeksana a numan pay adda ti nagun-odnan, adu pay ti kasapulan nga aramidenna, ken aklonenna a kurang pay ti tallo a termino tapno maipatungpal amin a planona.
Innayonna pay nga adda dagiti panawagan a tumaray daytoy iti national position, ngem ad-adda a prayoridadna ita ti panangsungbat iti kasapulan iti siudad.
