Agarup 2,987 a Public Utility Jeepney (PUJ) drivers iti siudad ti Baguio ti nakaawat iti cash assistance babaen iti Department of Social Welfare and Development (DSWD)- Cordillera itay kanikadua idiay Baguio Convention Center.
Pakabuklan a P14,935,000.00 ti naipaay kadagiti drayber iti siudad maibasar iti datos ti ahensiya ita nga aldaw.
Kabayatanna, maaddaan ti special payout inton umay a Sabado, Mayo 9 idiay DSWD Crisis Intervention Section (CIS) Office, 1st Floor, SN Oriental Building, #19 Leonard Wood Road para kadagiti benepisyaryo a karaman iti listaan ngem saanda pay laeng a naala dagiti Cash Relief Assistance da.
Maawawagan met dagiti awan ti naganna iti listaan dagiti benepisyaryo a makikoordinar iti opisina ti Land Transportation Franchising and Regulatory Board para iti beripikasyon ken dadduma pay a proseso. //bombokaren.c.s
