Maisagsaganan dagiti kaskenan a documentary evidence ken supporting documents para iti pannakaipila ti kaso kontra iti 33-anyos a lalaki a nabigbig kas alyas “Jun”, awanan trabaho ken residente ti Camp 7, Baguio City gapu iti pakainaiganna iti ‘robbery with force upon things’.
Maibasar iti report ti kapulisan, nabaelan dagitoy a nalocate ti witness iti nasao nga insidente para iti maysa nga interview.
Sigun iti witness, napansinnan ti tallo a lallaki a nakasuot iti tactical pants, black jackets nga adaan hood bayat iti panagwithdraw daytoy.
Nakasuot metlaeng dagiti lallaki iti tube masks.
Napansinna nga agpagna-pagna dagitoy iti likudanna rason tapno manmananna wenno obserbaranna dagiti garaw dagitoy.
Bayat iti pannagna daytoy iti sango ti maysa a bangko, napansinna manen dagiti tallo a lallaki a nakasanggir iti iron railings.
Maysa kadagitoy, nakababa ti tube mask na.
Babaen iti imbinglay ti witness nga impormasyon, impakita dagitoy dagiti mugshots dagiti suspek iti witness ket kinumpirmar ti witness apaman a nabigbigna ti maysa kadagitoy.
Iti imbestigasyon dagiti otoridad, nadiskubre da nga addaan ti suspek iti criminal records ti theft ken robbery.
Malaksid iti dayta, addaanen daytoy iti pending warrant of arrest para iti kaso a robbery a nai-issue idi Nobyembre 2023.
Maipalagip nga idi bulan ti Marso iti agdama a tawen, napasamak ti maysa a robbery with force upon things idiay Bakakeng Central, Baguio City no sadino maysa kadagiti kadadakelan a paggatangan ti nagreklamo.
Agtultuloy pay laeng ti imbestigasyon seknan iti nasao nga insidente. // via Bombo Noveh Organo
