--Ads--
Impasigurado ti Commission on Elections (Comelec) a matuloy ti 2028 national election.
Sigun kenni COMELEC Chairperson George Garcia, nakasagana ti ahensiya para iti eleksion iti baet a dua a tawen paylaeng sakbay a maisayangkat daytoy.
Daytoy ti reaksion ni Garcia iti kinuna ni Vice President Sara Duterte no sadino, kinunana a namnamaenna a matuloy ti presidential election intun 2028.
Inyunay-unay ni Garcia, siento porsiento a matuloy ti eleksion agsipudta nakalanad iti Saligang Batas.
Innayonna pay a mandato ti COMELEC a maaddaan iti eleksion, anyaman ti mapasamak.
Kabayatanna, impakaammo ni Garcia a 50 agingga 60 a persiento a nalpas ti panagsana dagitoy para iti nasao nga eleksion.
