INAGAURATION
Nainaguran ti kaunaan a custodial facility nga adaan ti smart lock features iti Rehiyon Cordillera idi kalmn iti siudad ti Baguio (May 12) .
Sigun kenni Pcpt. Rodolfo Mangay-ayam, Acting Station Commander ti Baguio City Police Office Station 6, napanunotda a mangikabil iti smart lock feature ti custodial facility.
Daytoy ket tapno maparegta ti seguridad ti nasao a pasilidad , maisurot iti hightech security tapno adadda a mabantayan daytoy.
Sigun pay kenkuana, bukod nga initiatiba daytoy ti BCPO Station 6.
Inlawlawagna a na-enhance ti locking mechanism ti nasao a smart lock babaen ti fingerprint, tap, ken code system, saan a kasla iti damu a kandadu ti maararamat.
Innayon ni Pcpt. Mangay-ayam a babaen iti smart lock ket mamonitorda nu asino dagiti umuneg ken rumuar iti custodial facilty.
Dinakamat daytoy a dagiti authorized laeng a personnel kas iti investigators, duty officers, CESPO, ken Deputy ti mabalin a maka-access iti daytoy.
Nupay kasta, mabalin a masukatan daytoy depende no sino ti agduty tapno nu kasbilang adda ti mapasamak, daytoy ti authorized ken accountable.
Ti nasao a pannakainagunar ti smart lock features iti custodial facility ket dinar-ayan ni Pcol Ledon Monte, Deputy Regional Director for Operations ti Police Regional Office- Cordillera ken Officer -In-Charge ti Benguet Police Provincial Office.
Naimatangan metlaeng ti presensya ni Deputy City Director for Administation a ni PCol. Rodelio Olsim manipud Baguio City Police Office ken dadduma pay nga opisyal iti nasao nga inagurasyon.
SMART LOCK FEATURE
Iti sabali a bangir, impeksa ni Pcpt. Pcpt. Rodolfo Mangay-ayam, Acting Station Commander ti Baguio City Police Office Station 6 a manipud nagtugaw daytoy iti posisyon, awan ti namonitorda a saan a nasayat a pasamak iti uneg ti custodial facility. Sigun kenkuana, kadawyan a maobobserbaran ket nu adda dagiti balud a pasaray aggigidan dagiti bisitada rason tapno marigatanda basit iti panagbantay nangnangruna nu adda ti dadduma nga asasikasuen a dadduma ti nakaduty.
Gapu ti dayta, panngepna metlaeng nga agipasdek iti maysa nga structure tapno mapalawa basit daytoy tapno mabalinto nga aggigidan a sumangpet dagiti umuneg iti pasilidad. //Bombo Noveh Organo
