Sinmangpeten idiay Sandiganbayan ni Senator Jinggoy Estrada para iti naituding nga ‘arraignment’ ken ‘pre-trial’ ita nga aldaw iti kaso na a ‘graft’ wenno ti pananglabsingna iti Section 3(e) ti Republic Act 3019.
Kadua ni Senator Estrada ti sigud a Department of Public Works and Highways Secretary Manuel Bonoan kas kaduana nga akusado.
Iti maisayangkat nga arraignment ken pre-trial, posible a matalantan dagiti mosyon ng inpila ni Senator Estrada idiay Korte Suprema.
Maipalagip a nangipila gamin daytoy idi kalman ti Motion to Reset Hearing ken Urgent Omnibus Motion Ad Cautelam tapno kiddawenna ti pannakaibasura ti nasao a kaso.
Malaksid iti kaso a graft, sumangsango metlaeng daytoy iti kaso a plunder nga inpila ti Office of the Ombudsman seknan iti korapsyon dagiti flood control projects.
Maipalagip a naarestar ni Estrada iti uneg ti senado idi kalman kalpasan nga inserbi dagiti otoridad ti warrant of arrest nga inpaulog ti Sandibanbayan seknan iti kaso a plunder nga inpila ti Ombudsman. //bombokaren.c.sapirao
