Kuweskwestionaran ni Senador Pia Cayetano ti legalidad ti sesyon ti senado ita nga aldaw a pinasetan ti 12 a senador.
Sigun kenkuana, saan nga umdas ti nasao a bilang tapno mangbukel ti qourum ken mangipatungpal iti opisyal a sesyon.
Innayon daytoy a nalawag iti probisyon ti 1987 iti konstitusyon a bukuklen ti 24 a miyembro ti senado ken kasapulan ti mayorya tapno mabukel ti nasao a bilang sakbay a maideklara nga opisyal ti sesyon wenno adda iti quorum.
“The Constitution says the Senate has 24 senators and that a majority of each House shall constitute a quorum to do business,” sigun kenni Senator Pia.
Dinakamat metlaeng ti nasao a senadora ti maipanggep iti kaso nga Avelino vs. Cuenco a dinakamat dagiti dadduma a senador kas basaran tapno maibaga nga umdas ti 12 a senador tapno mangbukel iti mayorya.
Sigun kenkuana, saan nga agpada ti nasao a kaso iti sangsangwen a sitwasyon ti senado ita.
“They cite the case of Avelino vs. Cuenco where the Supreme Court considered 12 as the majority. But as any freshman law student knows, you can’t pull out the rationale of a case and use it to suit your needs. The specifics of the case are different,” innayon daytoy.
Innayon pay daytoy a saan a mabalin a maikonsidera a mayorya ti 12 a senador ti maysa a grupo a bukbuklen ti 24 a miyembro.
“12 is not 13. Alam ng Grade 1 student ‘yan,” sigun kenkuana. //bombokaren.c.sapirao
