Ginuyugoy ni Benjamin Macadangdang, dadaulo iti Special Services Office (SSO), kadagiti opisial iti barangay nga agbalin nga aktibo iti panangidaulo ken panagsungbat kadagiti pakaseknan iti masakupanda a barangay.
Iti naisayangkat a media conference itay kallabes, kinuna ni Macadangdang a ti panangidaulo iti barangay ket “backbone” iti lokal a gobierno.
Immanamong met ni Mayor Benjamin Magalong kagiddan ti panagkiddawna a risuten dagiti opisial dagiti isyu iti komunidad imbes nga urayen pay dagiti reklamo dagiti umili.
Impaganetget metlaeng dagiti opisial ti kinapateg ti community program a kas iti YAKAP PhilHealth para kadagiti senior citizen, persons with disabilities, at solo parents.
Karaman metlaeng kadagiti prayoridad ti panangpatalinaed iti drug-cleared status dagiti barangat babaen iti aktibo a panangipatungpal kadagiti programa iti Barangay Anti-Drug Abuse Council (BADAC).
Ginuyugoy metlaeng ni Macadangdang ti pannakipaset iti agtutubo kadagiti panagtaripnong ken panagdesision iti barangay, kasta metlaeng ti regular a panag-update iti Registry of Barangay Inhabitants tapno masigurado a dagiti tulong iti gobierno ket maipaaya kadagiti pudno nga agkasapulan.
Kabayatanna, maisayangkat inton Oktubre 12 ti Search for Best Performing Barangay kas paset iti panangrambak iti Local Government Month.
Sigun kenni Macadangdang, karaman kadagiti kangrunaan nga standard iti panagpili iti nasayaat a panangidaulo ken ti panagparehistro kadagiti residente iti programa a YAKAP PhilHealth.
