Nagkedked ni Senador Robinhood Padilla nga ibutaktak ti lokasyon ni Sen. Ronald “Bato” dela Rosa, uray adda ti pammilin a panangtiliw kontra kenkuana.
Kinuna ni Padilla a nu kaspangarigan ammuna ti lokasion ni Dela Rosa ket saanna nga ipakaamo, kagiddan ti panagkatawana bayat nga ibagbagana ti nasao a banag.
Sigun iti Criminal Investigation and Detection Group (CIDG), mabalin a mapilaan iti obstruction of justice ni Padilla seknan iti mapapati a panagtulong iti panagikkat ni Dela Rosa iti Senado idi Mayo 14, 2026, nga inladawanda a maysa a naplano nga operasion tapno makaliklik iti otoridad.
Immunan a nangiruar iti arrest order ti Department of Justice kontra kenni Dela Rosa idi Mayo 21.
Sapsapulen iti International Criminal Court ni Dela Rosa seknan iti kaso a crimes against humanity nga adda pakainaiganna kadagiti mapapati a panangpapatay manipod idi 2016 agingga 2018.
