Impasigurado manen ni Baguio City Mayor Benjamin Magalong ti nainget a panangipatungpal iti zero-tolerance policy iti sanitation wenno kinadalus kasaruno iti insidente iti utot iti maysa a pangangan iti siudad ti Baguio.
Nagkiddaw iti pammakawan ni Mayor Magalong kadagiti kostumer a naapektaran ken impasiguradona ti agtultuloy nga addang iti lokal a gobierno tapno masigurado ti kinadalus kadagiti panganan.
Sigun iti City Health Office, dagos a naiserra ti nasao a restaurant kalpasan ti inspeksyon ken naipaulog iti sanitary order gapu iti panaglabsing iti health standards.
Manarimaan a maipaspasidong ti panganan iti panangdalus ken corrective measures sakbay a mapatgan nga aglukat manen.
Nagpalagip metlaeng ti LGU iti amin iti food establishments a sumurot iti sanitation regulations, kagiddan iti nainget nga inspeksyon iti nagduduma a paset iti siudad gapu kadagiti nairekord a kapada a kinakurang iti kinadalus.
Impaganetget iti siudad a mabalin a mapatawan iti pannusa, pannakairekep, ken saan a panagrenew iti business permit dagiti agtultuloy a panaglabsing kadagiti pagalagadan.
