Nangimuntar dagiti opisial iti Barangay San Luis Village, Baguio City iti P1 milion a Closed-Circuit Television (CCTV) system tapno mapababa ti kaso iti panagtakaw ken dadduma pay nga iligal nga aktibidad iti lugar.
Sigun kenni Punong Barangay Rodolfo Ligligon, napateg ti proyekto gapu iti kinalawa iti barangay ken dagiti report iti panagtakaw, karaman ti panagtakaw iti motorsiklo ken dadduma pay nga insidente iti sumagmamano a paset iti lugar.
Nagun-od ti pondo manipod iti Local Government Support Fund (LGSF) ken dadduma pay nga ahensia iti gobierno.
Kinuna dagiti residente a nakatulong ti CCTV iti pananglapped iti krimen ken naparpartak a panangduktal kadagiti suspek, bayat a puntiria metlaeng iti barangay a papigsaen pay ti seguridad babaen iti kanayunan a kagawaan ken naparpartak a panagreponde dagiti tanod.
