Bimmaba manen ti presio iti lana kalpasan ti panagpirma da US President Donald Trump ken Iranian counterpart daytoy iti katulagan a panggepna a leppasen ti giera ken luktan manen ti Strait of Hormuz.
Nangitunda ti katulagan iti namnama para iti kinatalna idiay Middle East ken nangpakalma iti energy market, a nakaapektar iti nasurok tallo a bulan a panagsusuppiat a nangpakaro iti inflation.
Iti sidong iti katulagan, dagos a luktan iti Iran ti Strait of Hormuz bayat nga ikkaten iti Estados Unidos ti sumagmamano nga oil sanctions ken itandudo ti $300 bilyon a reconstruction fund kasukat ti pammalubos iti Iran a kessayan ti “enriched uranium” daytoy.
Bimmaba iti nasurok 1% ti krudo ken dumanon iti nasurok 15% ti pakabuklan a panagbaba manen idi rimmuar ti damag iti posible a katulagan idi napalabas a lawas, sigun kadagiti analyst.
Nupay kasta, agtaltalinaed a naalwad dagiti merkado gapu iti manamnama a posible a pangngato iti interest rates iti US Federal Reserve sakbay a malpas ti tawen, kagiddan iti agtultuloy a nangato nga inflation.
Naaddaan metlaeng iti naglaok a garaw iti Asian stock markets bayat a maur-uray dagiti investor ti epekto iti katulagan.
