Inlawlawag ni Senate President Sherwin “Win” Gatchalian a saklawen ti 90 nga aldaw a pannakasuspende ni Senador Jinggoy Estrada ti amin a pagrebbenganna kas mammanday-linteg, karaman ti akemna kas senador-judge iti impeachment trial ni Vice President Sara Duterte.
Sigun ken ni Gatchalian, bayat a suspendido ti maysa a senador, temporario met a maikkat amin a bileg ken responsibilidad-na iti Senado.
Gapu iti dayta, saan a mabalin a makipartisipar ni Estrada iti aniaman nga impeachment process kas Senate judge bayat nga epektibo ti suspensionna.
Maipalagip nga idi Hunio 16, 2026, nangipaulog ti Sandiganbayan iti preventive suspension kontra kenni Estrada mainaig iti kaso a graft.
Sumangsango pay ti senador iti dadduma a kaso kas iti plunder ken graft a mainaig iti flood control projects.
Maibasar iti linteg, partikular iti Anti-Graft and Corrupt Practices Act, kasapulan a temporario a maikkat ti maysa nga opisial iti puestona bayat ti pannakabista ti kaso daytoy a graft.
Kabayatanna, inlawlawag ni Gatchalian nga agtultuloy ti panangsurot ti Senado iti Konstitusion no maipapan iti proseso ti impeachment.
