Suportado ni President Ferdinand “Bongbong” Marcos Jr. iti posibilidad nga agseri kas presiding officer ni Senator Francis “Chiz” Escudero iti impeachment trial ni Vice President Sara Duterte.
Sigun kenni President Marcos Jr., naibasura ti impeachment case kontra iti bise presidente idi 2025 gapu iti desisyon ti korte suprema nga ideklara kas unconstitutional ti impeachment.
Impetteng ti Presidente nga awan ti pakainaigan ditoy ni Senator Escudero ken saanna a pagduduaan ti abilidad ti Senador.
“So in terms of his ability to be able to run the trial, I don’t think that’s in doubt,” sigun kenni President Marcos Jr.
Immuna nga impakaammo ni Senator Panfilo Lacson nga inisial a napagnunumuan dagiti miembro ti Senate majority bloc a botosanda ni Escudero kas presiding officer iti Senate impeachment court.
Inkonsiderada ti kina abogado ken kapadasan ni Escudero iti impeachment process.
Nupay kasta, kinuna ni Senate President Sherwin Gatchalian nga iti sidong ti pagannurutan, ti Senate President ti mangidaulo iti impeachment trial malaksid no sabali ti pangngeddeng ti Senado.
Kabayatanna, impeksa ni President Marcos Jr. a suportaranna ti asinoman a pilien ti Senado a mangidaulo iti umad-adani nga impeachment trial.
“As long as the process that they undertook in making the choice is proper, is legal, is constitutional, then that’s fine with me,” sigun iti Presidente.
