Impetteng ni Malacañang nga agtuloy latta ti panangsarak dagiti otoridad iti sigud a mammanday-linteg a ni Zaldy Co.
Daytoy ket kasaruno iti bilin ti Sandiganbayang nga i-archive pay laeng ti kaso a graft kontra kenni Co.
Sigun kenni Palace Press Officer Undersecretary Claire Castro, temporaryo laeng daytoy a bilin ti Sandiganbayan.
Inlawlawag pay daytoy a saan a kayat a sawen ti pannaka-archive daytoy ti pannakadismiss dagiti kaso a rumbeng a maipila kontra kenni Zaldy Co.
Maysa ni Co, kadagiti central figure para iti imbestigasyon para iti flood control scandal iti pagilian a Pilipinas.
Sumangsango daytoy iti kaso a graft ken malversation gapu iti maatap a pakainaiganna iti naanomalyaan a road dike project idiay Naujan, Oriental Mindoro. //bombokaren.c.sapirao
