Nagdinnangran ti dua nga indibidual gapu laeng iti panag-eye contact dagitoy a napasamak idiay Lower Mabini Street, Baguio City idi July 20, 2026.
Maibasar iti report ti pulisya, dagiti dua a karaman ket agtawen iti 46, self-employed ken residente idiay Ambiong Central, La Trinidad, Benguet ken ti agtawen iti 33, call center agent, ken residente iti Lualhati, Baguio City.
Iti statement dagiti dua a partido, nagapada kalpasan ti eye contact dagitoy idi magmagna iti opposite directions.
Nagsaludsod ti 33-anyos nu apay nga agkitkita daytoy ket simmungbat met iti 46-anyos a lalaki a simmungbat metlaeng iti saludsod bayat ti eye contact da a dua.
Kinuna ti 33-anyos a nainsulto daytoy iti sungbat ti 46-anyos.
Inaklon met iti immuna a lalaki a daytoy ti nangirugi iti laban agingga a naanawa dagitoy.
Agpada a naiturong iti ospital dagiti dua a lalaki para iti pannakatamingda kalpasan a nagsagrapda iti dunor.
Ti kaso ket adda itan iti maseknan a barangay. | via Bombo Noveh Organo
