Nasuspinder ti klase iti maysa a pagadalan sadiay Barangay Panacan, Davao City idi Biernes, July 24, 2026 gapu iti maatap a “bomb threat”.
Naideklara metlaeng a “clear” ti Vedasto F. Corcuera Elementary School kalpasan a sinukimat dagiti otoridad.
Sigun kadagiti otoridad, maysa nga ina ti nangipadamag kadagiti school guard a karaman ti Vedasto F. Corcuera Elementary School iti listaan dagiti pagadalan nga addaan iti naipadamag a pangta ti bomba.
Sigun kenni Barangay tanod Allen Aranas, impakaammo ti nasao nga ina kadakuada nga adda ti pangta ti bomba iti nasao a pagadalan ngem awan ti maipakita daytoy a pammaneknek.
Gapu iti dayta, impetteng dagitoy a “fake news” ti nasao nga impormasyon.
Nupay kasta, impakaammo metlaeng ti maseknan nga ina iti masya a kagawad ti maipapan iti nasao a “bomb threat” a dagus a nangipakaammo kadagiti otoridad.
Iti agdama, manarimaan paylaeng ti imbestigasyon dagiti otoridad iti nasao nga insidente tapno mabigbig ti nagtaudan ti nasao a “bomb threat.”
