Patien ni Atty. Lauro Gacayan, Legal Luminary ken Constitutional Law Expert iti Baguio City, a narigat a maipatungpal ti panangibaba iti income tax gapu iti mabalin a pannakapukaw ti dakkel a kita ti gobyerno.
Iti pannakiuman ti Bombo Radyo, kinuna ni Gacayan a nasayaat ti panggep ni President Ferdinand Marcos, Jr. a mangibaba iti income tax, nangruna iti panangikkat ti tax kadagiti addaan iti sweldo a P30,000 tunggal bulan wenno nababbaba pay.
Nupay kasta, kinuna ni Gacayan a posible a dakkel ti epekto daytoy iti koleksion ti gobierno, ta adu ti pagrebbengan ti pagilian a kas iti panagserrek iti badyet ken panagbayad kadagiti utang.
Insingasingna a masapul a kitaen ti gobierno ayna ti dadduma pay a pangalaan iti badyet para iti sumaruno a tawen. Sigun kenkuana, nupay pabor isuna iti dinakamat ti presindente, imbinglayna a masapul pay a kitaen ti praktikalidadna ken ti epekto daytoy iti income ti gobyerno ken iti pannakaipaay dagiti serbisio iti publiko.//Bombo Khey Reparip
