Manamnama a mailukat iti publiko ti Burnham Lake iti siudad ti Baguio intun Setiembre 2026.
Sigun kenni Mayor Benjamin Magalong, maigiddan daytoy iti pannakarambak ti Baguio Charter Day intun Setiembre 01.
Innayon ti opisial a 50% paylaeng ti agdama a kinaadu ti danum isu’t gapuna a namnamaenda a manayunan babaen iti tudo.
Kabayatanna, addan dagiti baro a bangka a naikabil sadiay.
Innayon ni Mayor Magalong nga addan ti pagalagadan a nasken a masurut para kadagiti bangka.
Inlawlawag ti Mayor a naipulog ti pagalagadan para metlaeng iti pagsayaatan ken siguridad dagiti agbangka
Sigun pay kenkuana, adda dagiti sigud a disenyo ti bangka ngem sinertipikarn ti City Environment and Parks Management Office (CEPMO) a natalged ken kapabpabbaro sakbay ti rehabilitation ti lake.
Maipalagip a nagrugi ti rehabilitasyon iti lake idi October 1, 2025 a napondoan iti P98,927, 284.07.//Bombo Noveh Organo
