Kinidaw ti Commission on Elections (Comelec) kenni President Ferdinand Marcos, Jr a suspindirenda ti klase iti pagilian inton Nobyembre 3 tapno maikan ti umdas a panawen dagiti botante iti Barangay ken Sangguniang Kabataan Elections (BSKE).
Sigun gamin kenni COMELEC Chairman George Garcia a sigurado nga agawid ken agsubli dagiti botante kadagiti trabahoda kalpasan iti Undas iti Nobiembre 1 ngem nu maikanselar ti klase iti Nobiembre 3, maikanda pay ti panawen nga agtalinaed kadagiti lugarda tapno agbotos inton Nobyembre 2.
Mangrugi metten ti panangipila iti Certificate of Candidacy kadagiti interesado ken kwalipikado a tumaray iti barangay ken SK inton Setiembre 28 agingga Oktubre 5 bayat a naituding met ti election period inton Oktibre 3 agingga Nobyembre 9 iti agdama a tawen. //bombokaren.c.sapirao
